På Svenner

Ute på den ytterste nakne ø.
Her ser vi Superspeed komme forbi på veg frå Danmark til Larvik.

Ombord i Maribell, Elin og Dag sin store seglbåt, nærmar vi oss Svenner fyr.
Det er ein fin sundag føremiddag. Men då vi runda Svenner for å komme inn til hamna,
bles det friskt.

Middag i naustet. Kotelettane vart grilla utafor. Elin kokte poteter,
erterstuing og surkål i huset dei bur i der.
Elinfamilien er vertsfolk i ei veke for turistane som kjem til Svenner fyr.
Hans og eg skulle vere med på dagstur.

Huset der Elinfamilien bur er det rett ovcer skiltet, nedafor fyret.
Vi gjekk tur på øyane. Flott natur.
Om kvelden då vi skulle tilbake til Larvik, var vinden så sterk at Dag ville ikkje gå
med Maribell tilbake til Larvik.
Dermed vart vi turistar med overnatting. Vi fekk eit fint rom og vart ei oppleving rikare.

Neste dag lånte Dag ein liten passbåt og vi hoppa på bylgjene innover til byen.
Kom oss velberga tilbake og vi kunne køyre til Ørsta.

I Larvik

Desse flyttekassane har stått i Inga sitt dokkehus sidan i april.
No er dei flytta over til garasjen vår.
Vi har gløymt kva som er i dei. Ikkje sakna noko heller.

Asle og Eili var med oss til Ikea på Slependen for å kjøpe garderobeskap.
Det var godt å få hjelp!
Seks flatpakka skap med hyller og korger opp til taket.
Masse arbeid å få i hop.

No er møblane frå Ørsta på plass. Frå biblioteket i Ørsta til loftstova i Larvik.
I stova nede er møblane komne, men bilete og gardiner ventar på opphenging.

Flyttelass i tilhengar.

I dag reiste Hans og bror Arne til Larvik med det meste som var att i Ørsta.
Vi treng å fare med eit slutt-lass seinare.
No for sofaer og stolar, store bilete og mykje anna.
Dei reiste over Hemsedalsfjellet og er komne vel fram. I morgon kjem dei tilbake.
Så blir det eit lass til Steinhovden. Godt at nokon vil ha ting når vi ikkje får plass.

Straks dei var reiste starta vi nedvasken. Eg har Eili til hjelp, og det er veldig kjekt.
Ho har sommarjobb her.
I dag har vi vaska ned to rom, så vi er godt i gang.
Biblioteket var veldig stygt etter alle hyllene med bøker.
Men det blei ganske fint etter mykje jiff og dampvask.
I går vaska vi heile loftet.

Besøk på hytta.

Dulka og Emilie var med på hytta. Emilie likte seg godt der.
Ho klatra utstanseleg opp på hemsen. Vi var i denvesle kvite båten og rodde.
Dessverre vart det regn om sundagen og lite kjekt å vere ute.
Men laurdag var det fint å ete grauten på verandaen.

Gåve frå KrF

Vi har jobba i hagen i dag. Pakka gjorde vi i går.
Det var trong for å slå graset og for å fare over å rydde i bedda igjen.

Og så kom KrF-leiar Hjørdis på besøk med gåve og takk til meg.
Eg fekk eit Rolf Vatn-krus med namnet mitt på. Og Hans fekk også eitt.
Kjekt!

Gjester til risgraut.

Om laurdagen den 18. inviterte vi dei andre besteforeldra til risgraut.
Elin og Dag var attkomne frå Færderseilasen og Inga har med ei veninne.
Dei to andre jentene var på handball og eitkvart anna.
Kjekt å sjå at vi har plass til klaff i bordet. Det ser ut som Ørsta, sa Elin.

Dei første middagsgjestane.

Inga og Johanne kom til oss til middag på fredag 17.juni.
Det var siste skuledagen. Foreldra og Sunniva sigla Færderseilasen.
Til middag var det kjøttbolar, og det fall i smak.

Sidan desse to var åleine heime, overnatta dei hos oss og var
såleis dei første overnattingsgjestane.
Senger har vi ikkje så mykje av endå, men madrasser på golvet gjekk bra.
Kveldsmat med te.
Johanne skulle reise klokka ti på sju laurdag morgon til handballcup.

Første middagen i nyehuset.

Andre pinsedag reiste vi til Larvik med eit tilhengarlass.
Då hadde vi med spisebordet og fire stolar. Det passa bra inn i kjøkkenet.
Då kunne vi med skikk ha den første middagen i nyehuset. Vi hadde omnsteikt laks.
Kjøkkenet er lyst og fint. Trur det vil fungere bra.

Vi flyttar inn.

Hans sine DVDar er komne på plass i det nye biblioteket.
Vi har utryleg mykje bøker. Noko må nok til bokbyen.

Vi kom med to hengarlass. Asle tok med det eine. Her er det
som vi drog ned. Der er tre skap, så no kan vi plassere ting.

Vi overnatta i det nye huset.
Elin kom på besøk og hjelpte oss med å laste av tilhengaren.
Første frukosten.

Så kom det riktige kjøkkenbordet på plass.
Sunniva får mat før ho startar med å bere bøker opp til andre etasjen.

Innvandrarkvinnetreffet

Kvar torsdag er det invandrarkvinnetreff i lokalet til kyrkjekontoret.
Norske og innvandrarkvinner møtest. I dag gjekk praten høglytt. Mykje god mat og.
Kvinner frå 5 - 6 nasjonar møttest og snakka norsk.
Neste gong er det utflukt, og vi håper på godt ver.

Regndråpen på utflukt.

Rhododendronen ved hytta er no på det finaste.

Klart for å ta mot gjester i naustet.
Det vart ein dag med regn. Einast ein halv time med opplett ver.
Då fekk eg grilla kotelettane utfor naustdøra.
Gjestene var godt kledde så det gjekk bra trass i berre 9 grader.

Det var likevel godt å ta kaffien i varm hytte.
Bjørg, Bodil, Reidun, Henriette, Kirsten, Anne og Torbjørg
rundt kaffibordet med ripsrullen.

Vaskerommet er teke i bruk

Inga og Mina har teke i bruk vaskerommet.
Vi hadde med benk med underskap. Og vaskemaskin og tørketrommel
er på plass. Det er og toalett på vaskeromet.