Juleselskap andre juledag

Sidan alle barn og barnebarn var samla, heldt Elin og Dag juleselskap.
Her er alt straks klart.
Vi er 18 i familien. Litt utpå kvelden kom ei familie til innom. Dei var fire, så då blei det 22.
Elin og Dag har stort hus, så det gjekk greitt.

Kari laga til desserten som er ymse sortar bær frå frysaren.
Med krem og vaniljesaus smakte det friskt og godt.

Tore deler opp den eine kalkunen. Vi hadde to på 7 kg kvar.
Det vart litt til overs, men delt på to husstandar, vart det overkommeleg.

Fruktkake laga etter oppskrift frå Lillian på Island.
Den er kjempegod. I år hadde eg stikkelsbærgele i staden for jus på den.
Då hang ho betre saman.

Juletreet som vart henta i skogen siste sundag før jul.
Det er ganske smalt og veldig fint.
Så var og skogmannen Jens med og tok det ut.

Ungdomane likar å prate saman. Her er dei på Johanne sitt rom.
Og dei kosar seg med spel.

Jakob er blitt flink med gitaren.
Kjekt å høyre på!

Bål og marsmelones i romjula på Sukkersletta.

Published with Blogger-droid v1.7.4

God Jul

Ei riktig god jul ønskjer eg alle som ser innom bloggen min!

Tur i Stavern 1. juledag

I dag på første juledag hadde vi tur til Stavern og gjekk ein runde til Minnehallen og Fredriksvern. Fin rundtur. Litt vind, men ikkje regn.

Mange fotografar, så det blir mykje bilete.

Kanoner på festningsområdet.

Ein litt uvanleg "skulpturpark". Båtar på høgkant med mange ulike lydar.

Mathias som skiltvakt.

Jul i Rekkevikløkka

Juletreet er ikkje stort. Det var litt bekymring for at det ikkje blei plass til alle pakkane under. Men det gjekk greitt. Mathias fekk plassert dei.

Frukost julafta. Dei lilla adventlysa brenn ned. No skal juleduken på og dei raude lysa fram.
Risengrynsgraut klokka 13. Så pynta vi oss og gjekk i Østre Halsen kyrkje klokka fire.
Stappfull kyrkje. Det var andre gudstenesta. To på julafta. Fin korpsmysikk og ei jente som song solo. Heime att hadde vi tradisjonell julekveld utan gong rundt juletreet. Kanskje vi kan få det til i familieselskapet ?

Første juledag kveld. Spelet Alias er populært.

Lillejulafta

Det er tradisjon i familien å ha fondue på lillejulafta.
I år var vi hos Elin og Dag.
Mormor hadde kopiert opp Julekveldsvisa av Prøysen.
Det var mange vers, meinte somme.
Men mormor seier vi må synge alle versa for å roe oss ned.
Det gjekk veldig greitt.

Inga 8 år. Gratulerer!

Eit av gaveønskja var ei megapute, så det blei glede då puta kom fram.

Det var tysdag før jul at Inga feira bursdagen sin.
Alle jentene i klassen var gjester, og det var 19 ialt.
Mamma Elin styrte gjestane gjennom dei to timane selskapet varte.
På kjøkkenet var Sunniva, mormor og pappa.
Serveringa var pizza og sjokoladekaker.

I juletreskogen

I dag, skitnesundag, fekk vi vere med Elin og Inga til ein
gard ute i Tjølling. Der har bonden som er bestefar til Inga si veninne, invitert
slekt og vener til samling i skogen. Dei som ville kunne finne seg juletre og hogge sjølv.
Elin fann. Ho hadde sakkunnig hjelp av svigerfar Jens som er skogmann frå Østfold,
Der var bål og pølsespidding, og dei frammøtte som ikkje alle var kjende, prata med kvarandre.
Endå til ein julenisse dukka fram i skogen med godteposar til ungane.
Og det var stas å sitte på tilhengaren fram og tilbake frå gardstunet til skogen,

Farfar Jens ordnar seg ei pølse.

Like attmed var det eit imponerande kulturminne.
Steinsettingar frå jarnalderen.

Juleførebuing

Dei fleste julegåvene er no kjøpte og pakka inn. I år er det mest bøker.
Torer ikkje å seie meir no.

Inga og to veninner baka lussekattar for vel ei veke sidan.

I år hadde eg god hjelp til smultringar og fattigmann.
Sunniva og Johanne hadde ikkje vore med på det før.

Kunst

I Larvik er ein stor ballettskule. Sunniva går der. No hadde dei juleoppvisning i den store salen i kulturhuset Bølgen. Der er plass til 550 tilskodarar. Og då måtte vi vere der og sjå på det. Veldig flott! Det var full sal to kveldar. Og på scena var det nye grupper med dansarar andre dagen. Imponerande mange!

I dag tidleg fann eg denne "kunsten" på vindaugo i garasjen, Det forsvant etter eit par timar.

Desemberbesøk på Sola

Sist torsdag reiste vi med tog til Sandnes der vi vart henta av Tore.
Det er lenge sidan vi har reist med tog. Det var fint. Ein kan lese eller strikke, eller sjå ut på landskapet. Noko kronglete rute frå Larvik om Porsgrunn, Skien, tilbake til Porsgrunn og Skien igjen. I Noragutu k0m vi over på Sørlandsekspressen, og då vart det beinare veg.
Vi reiste klokka 11 frå Larvik og var framme i Sandnes klokka nitten.
Heimreisa gjekk om Drammen, så då vart det ein time ekstra.

Fredag skulle Kari og Tore på julebord. Astrid var og på ein tur.
På laurdag var vi heldige og fekk vere med på den årlege førjulsfeiringa i Kongeparken. Det var denne dagen for Statoiltilsette. Mykje folk, store og små. Buffet med all slags julemat. Og så mange verkstader for julegåvelaging. Parken var flott pynta med lys i trea og massevis med julepynt. Til og med lett snøbye produsete dei for høvet!

Laurdag morgon var Helene tidleg oppe og laga rundstykke til frukost.
Ho er dyktig kjøkkendame!

Speidaropptaking og juleverkstad

I dag har vi vore på speidargudseneste med opptaking av nye speidarar. Inga vart oppterken som oppdagar. Det var fint og høgtidleg. Alle sa fram fint:
"I tru på Guds hjelp lovar eg å hjelpe andre og alltid gjere mitt beste."
Og så fekk dei gult skjerf. Knute har dei laga av tre med innsvidd namn på.

Vi brukar å ha juleverkstad om onsdagane i Rekkevikløkka.
Inga og Mina er veldig kreative og lagar både mine modellar og sine eigne.
Det er hemmeleg kva dei lagar.

Elles har vi hatt besøk av Asle og gutane frå Arendal denne helga.
Vi har sterk vind om dagen, men merkar vinden berre når vi er ute.
Huset er tett og godt.

Bursdag for Sunniva

På bursdagen til Sunniva kom familien frå Sola på overaskingsbesøk. Det vil seie:
alle viste om det unntatt Sunniva. Ho kom frå jobben sin som barnevakt på Spenst,
og då var selskapet klart.
Gratulerer som 15-åring, Sunniva!

Engang Alltid - møte

I går kveld var eg med på møte i Engang Alltid her.
Møtet var i Bugården kirke i Sandefjord, og eg vart henta med bil av to speidardamer som bur nær meg. 15 damer var samla. Nokre av dei framleis aktive i speidararbeid. Ei ung dame, dotter til leiaren, hadde andakt. Ho dramatiserte Marta som fekk besøk av Jesus og læresveinar. Veldig fint! Hovedprogramposten var ved ei av damene som arbeider i bokhandel. Ho hadde med mange nye bøker og fortalde om dei. Eg vart spurd om å fortelje om min speidarbakgrunn, og det gjorde eg. Maten var ostar, frukt, kjeks og brød på buffet. Te og kaffi. Vi betalte 30 kr kvar.
Kjekke speidardamer som eg trur eg kjem til å trivast i lag med.
Eg fekk eit kjøleskapsmerke med påskrift:
"Gode venner er som stjerner. Det er ikke alltid du kan se dem, men du vet at de er der."

Kulturbyen Larvik

I dag har vi vore på foredrag i Pensjonistuniversitetet som det heiter her. Mykje folk i Storsalen i kulturhuset Bølgen. Kultursjefen i Larvik hadde eit flott og interessant foredrag: Treng vi kultur? Han bygde godt under at vi gjer det.
Etter foredraget var det kaffi og eit påsmurt rundstykke (vi betalte 50 kr). Og vi kunne sitte i lag med nokre andre og prate med dei.
Her i Larvik er det mykje kulturtilbod. Ei stor oppleving hadde eg sist fredag. Då var eg på konsert med Oslo - filharmonien. Kulturhuset her er den einaste staden dei spelar utanom Oslo. Ei stor oppleving! Hans ville ikkje vere med, Elin kunne ikkje heller. Så ho skaffa meg ei av sine kjenningar, Ellen.
Sist laurdag hadde dei noko dei kalla Kulturnatt. Over hundre arrangement i Larvik og omegn. Det er ein årviss presentasjon av kulturmangfaldet her.
Vi har også fått eit pass, Larvikpasset. Det får alle nye innflyttarar, og det kan vi bruke på fleire ulike tilbod gratis eller til redusert pris. Vi skal prøve Farris Bad til helga er planen. Passet varer i eit heilt år. Og eg har også lyst å sjå ein handballkamp. Det er og med i passet.

Gravearbeid ferdig framfor huset

Så fekk vi mange lass med stein og deretter grus på plassen framfor huset.
Så no skulle underlaget for å legge beleggingsstein oppå vere godt nok.
Det vil ikkje bli gjort før til våren.
Hans er redd det vil bli dyrt. Men er glad for at det blir skikkeleg gjort.
Karane for over med ein maskin og pressa sanden godt ned.
Så no kan vi køyre på det.
Og det er greitt å kunne snu bilen oppe ved verandaen og sleppe å rygge ned til veien.

Gravearbeid

I dag har vi hatt gravearbeid framfor huset. Det er kome mur mellom oss
og naboen til venstre. Vi skal ha stein på området. Men det var feil sort masse der.
Så no tok dei vekk alt og skal legge på ny og betre grus og sand.
Det kostar nok pengar, men må gjerast.
Så fann Dag nokre merkelege runde mørke flekkar, 60 - 70 cm i diameter.
Kan det vere kokegroper frå gammal til, lurer han på. Ja kanskje vi må til med
utgravingar?

Gratulerer Johanne!

I går fylte Johanne 13 år. Då vart det feiring i Løkkegata.
På fredag skal ho feire med venene.
Inga og Johanne ber inn kakene, laga av bestemor og mormor.