Til folketoget var vi budde på regn.
I bakgrunnen ser vi Follestaddalen hornmusikk som spelte sittande
på stolar på eit lasteplan.
Fotografen her var ingen ringare enn gamleredaktøren i Mørenytt, han Bergmann.

Folketoget i regnver.
Ordførar Gudny og leiar for 17.maikomiteen Tove, går fremst.

Åse Margrethe Leite heldt talen ved bautaen. Då vart det ei frykteleg
regnbye. Vi skimtar her Hans som gjekk fram til henne med paraply.
Han fekk mange fine kommentarar for det etterpå.
Manuskriptet kunne ha regna vekk.

50-årsjubileum for lærarskuleklassen i Bergen.

21 av elevane i klassen frå 1957 -61 kom til dette treffet.
6 hadde med ektefeller.
Sittande framme er ein av lærarane, 89 år gammal.
Han heldt eit langt og interessant foredrag om utviklinga i skulen.
Vi var 34 i klassen. Tre er døde.

Laurdag føremiddag hadde vi byvandring på Nordnes.
Bjørg som bur der og har budd der heile sitt liv, var dyktig gaid.
Her ser vi på huset der Amalie Skram budde.
Etter vandringa som hadde med Nykirken, hadde vi lunsj på
ein tapasrestaurant.

Vi to Bjørgene hadde rom i lag dei to første åra.
Første året budde vi på Mølenpris på pikeværelset. Vi måtte gå gjennom kjøkkenet
for å komme inn på rommet vårt. Det var eit stort rom.
Andre året flytta vi i lag til andre sida av Puddefjordbrua.
Framleis budde vi på same rommet. Vi var nøysomme, sa Bjørg no.

Her er tre Bjørger og ei Synnøve.
Så kjekt å treffast!
Vi hadde fin middag om laurdagskvelden i
Nordnes Bydelshus

Bursdag i Larvik

Eg var i Larvik på bursdagen min og fekk ei fin feiring.
Sunniva og Hans hadde vore i gullsmedbutikk og eg fekk fine øyredobbar i sølv.
Med familien fekk eg ei spennande bok, og med dei andre besteforeldra konfekt.

Kaker hadde vi rikeleg frå konfirmasjonen.
Men Elin var på seminar i Danmark.

Sunniva laga flotte gavekort med fine helsingar på.

Konfirmasjon i Larvik

7. mai og konfirmasjon i Larvik.
Sunniva i sin nye vestfoldbunad, den gamle typen.

Elin, Inga og Sunniva konfirmant utafor huset deira.

Johanne er i østfold sommarbunad.
Og kusine Astrid er komen frå Sola med familien.

Her har familien funne plassar i Østre Halsen kyrkje.
Det trongst tre kyrkjebenker til oss. Men alle fekk visst plass elles og.
Konfirmasjonsfesten var i Norconsult sine lokaler, der Dag har jobben sin.
Eit stort og romsleg bygg med god plass.
Konfirmanten hadde bestemt fargar og laga dekorasjonar.
Bordkorta hadde bilete av gjesten i staden for namn.
Ho heldt tale og ønskte velkommen.

Konfirmasjon på Sola.

Laurdag 30. april var vi i konfirmasjon på Sola.
Konfirmantane no deltek mykje. Astrid laga dekorasjonar til festbordet.
I festen heldt ho tale og ønskte velkommen.

Kari og konfirmanten Astrid i ny rogalandsbunad
utafor Sola kyrkje.

Festen var i Himmel og Hav på Solastranda.
Det er misjonsselskapet sin leirstad og ein flott plass.
Vi overnatta der i to netter. Fine gjesterom.
Det var fint ver. Solnedgangen om kvelden var veldig flott.

Treff med gamle kollegaer

I dag har eg vore på treff med fleire av dei gamle kollegaene frå Velle skule. Det var veldig hyggjeleg! Dei fleste er pensjonistar, men ikkje alle. Vi var 8 damer og møttest på ein kafe. Det er moderne no. Somme har flytta frå huset sitt og i leilegheit.
Eg tok bilete med mobilen, og då har eg problem med å få dei ut derifrå.

Middag med påskegjestane.

Vi deler desse gjestane med mormor og morfar på Opsal. Dei bur der denne gongen. Langfredag var dei hos oss, og då serverte vi lammesteik etter oppskrift frå Spar. Poteter og grønsaker i langpanna i lag med steika. Det vart bra. Karamellpudding til dessert. Dei hadde elles ein fin dag på Bondalseidet med tur til Åmskaret.

Kistefornøyelse

Eili prøver mine gamle klede. Ho er like fin i drakta frå 1980-talet som i den gamle kjolen frå 1800-talet. (Den er ikkje min). Det er kanskje ein brudekjole. Det er slikt vi no finn på loftet.
Eili går på dramalinje og treng mykje forskjellige klede til kostymer. For tida spelar dei inn Ronja Røverdatter og Eili spelar hovedrolla (Ronja).

På kinarestaurant i Ørsta

Skjærtorsdag hadde vi ingen påskegjester. Då gjekk vi ein tur ute på Sætre.
Der møtte vi fleire kjekke folk å prate med.
Middagen tok vi på kinarestauranten her i Ørsta. Det er ein veldig fin plass,
og god mat. Vi har ikkje vore der sidan det kom nye drivarar.
Det er kjekke folk!

Plenen vår i Ørsta

I 1972 bygde vi huset vårt i Ørsta.
Far min, Anders Steinhovden, sådde plenen i 1973. Det var han godt kvalifisert for;
han hadde sådd ein heil gard.
Her rakar Oda som er oldebarnet hans, den siste våren vi eig dette huset.
Det er mykje mose. Hans likar mose. Då blir det ikkje så mykje gras å slå, seier han.
Men det er ganske vanskeleg å rake, seier Oda.

Vi har teke den første vårpussen i hagen. No gror det fort, så det var på høg tid
å få vekk dei visne greinene.
Asle hjelper Hans med dekka, skifter, vaskar og stablar.
Godt å få hjelp!

Churros i Malaga

Vi hadde mange fine opplevingar den dagen vi var i Malaga.
God gaid var Anne Bjørdal som bur i Spania. Ho tok oss med til den beste
churroskafeen i Malaga. Ho fekk endå til ordna det slik at vi fekk sjå inn i bakeriet.
Der blei churroskokinga demonstret for oss.

Deigen blei sprøytt ned i oljen i ein stor ring. Kokken snudde ringen.
Så tok han ringen opp og la han over på eit bord.

Med ei saks klipte han opp ringen i passe stykke.
Så var det klart for kaffi og churros som vi dyppa i varm sjokolade.
Det smakte nydeleg!

Dametur i Spania

Lunsj i Mijas.

Mykje fine blomar å vatne i Mijas.

Vi hadde ein heil dag i Alhambra med guide.
Mykje interessant og fint dei har å vise fram der.