Treff med gamle kollegaer

I dag har eg vore på treff med fleire av dei gamle kollegaene frå Velle skule. Det var veldig hyggjeleg! Dei fleste er pensjonistar, men ikkje alle. Vi var 8 damer og møttest på ein kafe. Det er moderne no. Somme har flytta frå huset sitt og i leilegheit.
Eg tok bilete med mobilen, og då har eg problem med å få dei ut derifrå.

Middag med påskegjestane.

Vi deler desse gjestane med mormor og morfar på Opsal. Dei bur der denne gongen. Langfredag var dei hos oss, og då serverte vi lammesteik etter oppskrift frå Spar. Poteter og grønsaker i langpanna i lag med steika. Det vart bra. Karamellpudding til dessert. Dei hadde elles ein fin dag på Bondalseidet med tur til Åmskaret.

Kistefornøyelse

Eili prøver mine gamle klede. Ho er like fin i drakta frå 1980-talet som i den gamle kjolen frå 1800-talet. (Den er ikkje min). Det er kanskje ein brudekjole. Det er slikt vi no finn på loftet.
Eili går på dramalinje og treng mykje forskjellige klede til kostymer. For tida spelar dei inn Ronja Røverdatter og Eili spelar hovedrolla (Ronja).

På kinarestaurant i Ørsta

Skjærtorsdag hadde vi ingen påskegjester. Då gjekk vi ein tur ute på Sætre.
Der møtte vi fleire kjekke folk å prate med.
Middagen tok vi på kinarestauranten her i Ørsta. Det er ein veldig fin plass,
og god mat. Vi har ikkje vore der sidan det kom nye drivarar.
Det er kjekke folk!

Plenen vår i Ørsta

I 1972 bygde vi huset vårt i Ørsta.
Far min, Anders Steinhovden, sådde plenen i 1973. Det var han godt kvalifisert for;
han hadde sådd ein heil gard.
Her rakar Oda som er oldebarnet hans, den siste våren vi eig dette huset.
Det er mykje mose. Hans likar mose. Då blir det ikkje så mykje gras å slå, seier han.
Men det er ganske vanskeleg å rake, seier Oda.

Vi har teke den første vårpussen i hagen. No gror det fort, så det var på høg tid
å få vekk dei visne greinene.
Asle hjelper Hans med dekka, skifter, vaskar og stablar.
Godt å få hjelp!

Churros i Malaga

Vi hadde mange fine opplevingar den dagen vi var i Malaga.
God gaid var Anne Bjørdal som bur i Spania. Ho tok oss med til den beste
churroskafeen i Malaga. Ho fekk endå til ordna det slik at vi fekk sjå inn i bakeriet.
Der blei churroskokinga demonstret for oss.

Deigen blei sprøytt ned i oljen i ein stor ring. Kokken snudde ringen.
Så tok han ringen opp og la han over på eit bord.

Med ei saks klipte han opp ringen i passe stykke.
Så var det klart for kaffi og churros som vi dyppa i varm sjokolade.
Det smakte nydeleg!

Dametur i Spania

Lunsj i Mijas.

Mykje fine blomar å vatne i Mijas.

Vi hadde ein heil dag i Alhambra med guide.
Mykje interessant og fint dei har å vise fram der.

50-årsjubileum for lærarskuleklassen.

I år er det 50 år sidan vi gjekk ut av lærarskulen etter fire år i Bergen.
Vi skal feire i Bergen den 14. mai.
No driv Hans og leitar etter overnatting. Det er ikkje lett.
Biletet over er teke på Jæren der vi var på ekskursjon for å studere fuglelivet.

Vi hadde skidagar på Kvamskogen.
Bak:Inger Trohjell Olsen, Bjørg Engelsen Olsen, Alf Molde, Karl Russøy og Ester Tenold Flæte.
Framme: Sylvia Øvstegård Toppe, Bjørg Steinhovden Kragset og Bjørg Rolland Drivenes

Lærarskulen i Bergen heldt til på toppen av Nygård skule, ein barneskule ved Nygårdsgata.

Bjørg Engelsen, Jan Kruse og Bjørg Steinhovden

På besøk i Måløy

Vi køyrde til Måløy i eit forferdeleg snøver sundag føremiddag.
Snøplogen hadde ikkje vore ute. Mykje slaps heilt til Kjøllesdalen. Då vart
vegen berr. Tilbake køyrde vi over Bekslet til Åheim. Det var betre.
Vi fekk fin sundagsmiddag med Turid. Her er andre bordsete.
Bilen var full av "lopper" til Turid. Nokre leikar til borna var der og.

Ask har bygd eit stort tårn. Mamma beundrar!
Vi hadde med nokre leikar til Måløy.

Turid og Leif har mykje å styre med. Og dei likar det!
Jakob og Anna bur i nabohuset og er mykje på besøk.

Kjekt besøk frå Steinhovden.

Bror Arne og svigerinne Gunn kom på helgabesøk.
På same tid som dei kom, fekk vi på besøk ei fotografdame som skulle
ta bilete i huset for prospektet som skal ut i avisene og på nettet.
Huset var "strippa" og veldig rydda. Kva no med middag til gjestane?
Eg hadde bekymra meg for det, men så fekk eg ein god ide:
Eg bestilte middag til oss alle fire hos Dulka.
Ho er ein veldig god kokk, og likar å lage mat og servere.
Ho tok jobben med stor glede.
Det vart mange rettar: suppe, kjekjøt, pai, ris med grønsaker, kjøttkaker,
og endå meir, og sjølvsagt dessert og kaffi.

Vi køyrde sundagstur til hytta og etterpå heilt ut i Goksøyra.
Det var nytt for Arne og Gunn å komme dit, så det var jammen på tide vi tok dei
på tur der ute i øyane. Vi stoppa ved Herøy kyrkje og såg på bautaen over dama som stifta første sjømannsmisjonsforeininga i Noreg.

Vi var innom hytta og ned i naustet. Hans lurer på om han skal selje Ulven.
Og Arne lurer på om han skal kjøpe han.

Dulka skal få ei stor panne som ho treng til å koke heklety i.
Det blir så øydelagt i vaskemaskina, seier ho.
Og vi har fleire krabbepanner.
Denne er emaljert inni og passar bra til å koke klede i.