lørdag 28. desember 2013

Julekvelden

Legg til bildetekst

Julekvelden feira vi saman med Elinfamilien,  dei andre besteforeldra og onkel Jens.

Juletreet vi var med og henta i Istreskogen vart flott i stova. Og pakkehaugen var som vanleg stor.
Vi var i Østre Halsen kirke klokka fire, og der var stappfullt. Det var ei gudsteneste klokka halv tre.
Dag var heime og passa middagen. Det vart servert svineribbe med sossiser og medisterkaker, surkål og mandelpoteter m.m. Til dessert: is med jordbærsaus.
Eg hadde med av mine julekaker.


Pappa Dag gjorde ære på Inga si gåve, julekula som ho laga på juleverkstaden hos oss i Rekkevikløkka.
(sjå tidlegare innlegg )
Mamma Elin fekk ei blokk med lappar der ho kunne få ulike gjeremål utført av Inga.

tirsdag 24. desember 2013

Besøk på lillejulafta


Veldig kjekt at fetter Lars kom på besøk.
Han feirer jul med familien i Sandefjord, så det er ikkje langt unna. Raude tulipanar hadde han med. Og julebrev med bilete av familien.
Dei byggjer hytte i Sandefjord. Det blir eit utfluktsmål til sommaren.

Lille julaften i Rekkevikløkka


søndag 22. desember 2013

I juletreskogen



Kvart år før jul inviterer vener av Elinfamilien til juletrehogst og pølsegrilling i skogen ovafor garden deira. Vi var med for to år sidan. I fjor var det veldig dårleg ver. Vi var ikkje med då. Men i år var veret fint og mildt med sol.
Så i dag, sundag, var mange vaksne og barn i skogen. Mange fann seg gratis juletre, pølser blei grilla og praten gjekk livleg.
Inga og veninnene lagar seg pinnebrød.

Vi gjekk ein tur innover i skogen.
Elin og Dag fann seg eit fint juletre.
Inga og Mina fann eit lite tre.



Laurdagskveld i Rekkevikløkka


Endeleg heile familien til Elin samla på ein gong.
Sunniva kom frå jobb på Stamila og hadde ein heil time før ho skulle i julebord. Så eg fekk servere Nachos til alle.

onsdag 4. desember 2013

Advent i Rekkevikløkka


I år har eg laga goro for første gong.
Tenkte at når eg bur på Austlandet,må det vel
vere goro til jul. Men visst ikkje alle lagar det her heller. Det gjekk veldig greitt med det elektriske jernet. Kakene vart fine og gode.

I dag laga eg krumkaker.
Det er stor forskjel på å lage med elektrisk jern og det gamle som måtte snuast på plata.
Berre ei vart misslukka, litt brend, men vart eten av Hans.

Eg laga to deiger i går kveld. Smultringar og fattigmann. Dei skal vi steikje i kveld hos Elin.
Når eg lagar deig til fattigmann med 5 eggeplommer, blir det kokosmakroner av eggekvitene. Dei vart og ferdige i dag.
Så i dag kjem vi langt med julebaksten.
Annfrid og Per, de har vel laga syltaflesk for lengst?


Kaktusane står veldig fint no.

På bordet på verandaen ligg "dyret" som Hans fall for i blomsterbutikken. Det lyser om kvelden.
Amerikansk, seier Elin og Dag.
Fint, seier Inga og Mina.

søndag 1. desember 2013

Første sundag i advent


Vi har fått innbyding til julegrantenning.
frå velforeininga her i Rekkevikløkka.
Det var sterk vind då dei sette opp treet, men det står.

Vi gjekk tur og såg på bølgjer og drivgardar.

Vinter i skogen-

Fjorden  inn til Hvittensand og Lågen.
Klokka fem kom naboane saman og julegrana på Løkka vart tend. Nokre hadde ordna med gløgg og peparkaker . Kjekt å treffe naboane. Vi ser ikkje mykje til kvarandre no om vinteren.
Vi gjekk rundt treet og song nokre songar.
Glade jul,  På låven sitter nissen--, Jeg gikk meg over sjø og land...

mandag 25. november 2013

Veding


Vi fekk besøk av  Wenche og Pål på dagsbesøk frå Porsgrunn. Veldig kjekt!

Fredagskvelden kom Asle for å sage ned nokre av dei store trea som står langs vegen og kastar skugge på oss. Det er eit prosjekt i lag med naboane og vi har klarert med kommunen.
Asle klatrar opp og tek greinene på veg opp og stammen på veg ned. Han og Hans dreiv med det medan eg var på Julemessa om laurdagen.

Då trea var nede og kubbane låg i ein stor haug, kom karane på at dei trong ein vedkløyvar.
Så då for dei til butikken og kjøpte ein vedkløyvar.
Arbeidet gjekk som ein leik med vedkløyvaren.
Asle for med han til Arendal. Han har bruk for
han der. Men det skal takast fleire tre her langs vegen, så han må nok komme att med han.
Det blei ein svær haug med ved.
Men kvelden kom og  då prøvde vi den nye elektriske fonduegryta. Ho virka fint.
Skal vere mindre brannfarleg.

I dag, måndag, har vi stabla veden. Det vart eit stort lad. Hans såg mørkt på å gjere det åleine, så ho gamlemor måtte til ho og.
Men ho hadde vore på treningssenteret om
føremiddagen, så det gjekk veldig fint.
Så no trur eg ikkje vi kan ta mot meir ved.
Og endå er det fleire tre som skal takast ned.

søndag 24. november 2013

Julemesse i Østre Halsen


Fredag og laurdag ei veke før julemessa sat vi på nærbutikken og selde lodd. Det var to ykter for dag. Eg og Karin hadde første ykta på laurdag, frå 10 til 13.

Julemessa var sist laurdag frå klokka 10 til 14.
Der kom jamt med folk. Utanom dei lodda vi hadde selt veka før, var det no åresal i 7 - 8 omgangar. elles var det sal av strikka ting, bøker og mange andre handarbeidsartiklar.
Det var sal av mat: rømmegraut, kaker og vafler.
Foreldra til konfirmantane kom med kakene.
Speidarane hjelpte til med åresalet.
Elles var det damene i kyrkjeforeininga som som ordna med basaren. Foreininga har namnet "Fredriksens Fabrikk". Dei syter for strikka, hekla, broderte og symaskinsydde ting.




 Det meste av salsgjenstandane er laga av foreiningsmedlemane.


Ein god del vart att til neste basar som blir i mars,
og nye saker vil bli laga.
Vi har arbeidsmøte annakvar veke.
Foreininga støttar kyrkja og i tillegg støttar vi ein barneheim i Antsirabe på Madagaskar gjennom NMS.

Eg trur resultatet vart rundt 20 000,- så den er mykje mindre enn den i Ørsta.






mandag 11. november 2013

Nabofest med speidargrill.

Nabofesten starta med gudsteneste i Skadberg skule, ein flott ny skule.
Speidarane hadde ansvar for grilling etterpå.
Mathias var ein av dei som bar flagg i prosesjonen.

Eit barnekor med band sytte for flott musikk.
Veret var supert.


Kari hadde laga to porsjonar pinnebrøddeig. Alt gjekk med. Og 100 pølser innkjøpt av speidarane.
Hans fann fleire å prate med.
Tore er speidarleiar og med i arrangementet.