Sosialt i Puerto Rico

 På besøk hos ørstingar .




Middag med søskenbarn.
Bjørg, Magnhild, Åse, Helge og Knut.

Genserprosjektet fullført.

I dag vart Eili sin genser ferdig, den sjuande,
Då Asle plutseleg ringde fredag om at han ville komme på besøk, vart det fortgang i strikkinga.
Vi var i Sverige på handletur laurdag.
Eg strikka i bilen begge vegar.
Og i dag, sundag monterte eg, vart ferdig før kyrkjetid.
Så no kjem eg vel til å sakne strikkearbeidet. Må finne på noko.
I dag har eg laga middag, først til Dag, Asle og oss sjølve.
Så kom Elin og jentene i halv sjutida og fekk middag. Dei kom rett frå Oslo der dei har vore på shopping og i museum sidan fredag.

Elin skal vere mykje vekke komande veke, så er vel difor dei reiser på tur i lag.

Genser nr. 6

Oda kom til oss for å ta flyet frå Torp neste dag tidleg om morgonen den 2. jan.
Då var genseren hennar ferdig, så ho fekk han med seg til Trondheim.
Kjekt å ha besøk av Oda.
No studerer ho medisin. Ho og farfar har mykje å diskutere.

Besøk i romjula

Asle med familie unntatt Oda kom på besøk i to dagar i romjula.

Søskenbarna kosa seg i lag.
Sunniva, Eili, Inga og Jakob.

I-pad var populær julegåve.

Besøk første juledag

Første juledag fekk vi koseleg besøk av niesa mi, Janne, Rune og Kristoffer.
Dei feira jul hos familien til Rune i Sandefjord.
Var komne med toget frå Vestlandet.
Kristoffer er ein svært triveleg og grei gut.
Han likte godt å teikne i lag med Inga.

Austlandsk jul utan pinnekjøt

Kjekt å vere gjester på julafta.
Vi var i Østre Halsen kirke klokka fire. Det er så nær at nokre gjekk. Vi trong hjelp til å komme laus i snøen på parkeringsplassen.
Dag var heime og passa maten.

Farmor og farfar er komne og onkel Jens.
Ventar på å sette oss til bords.

 Pakkane, juletreet og onkel Jens.
Den nye peisen er fin og varmar godt.



På kjøkkenet er kokken og assistenten straks klar med maten.

Svineribbe er god mat. Og mykje godt attåt.
Mangelen på pinnekjøt tok vi att på andre juledag.
Då var alle hos oss til pinnekjøtmiddag.

Celsius storkosar seg.

Julegåvene frå foreldra var musikkinstrument.
Gitar til Inga og ukuleler til dei to andre.

Elin fortel om seglturen til Sverige til svigermor.
Bileta er fint ordna i bøker.

Lillejulafta

Lillejulafta var Hans og eg hos Elinfamilien til fondue som er tradisjon i familien frå då barna våre var små.
Alle tre familiene har teke med seg tradisjonen.

Genser nummer fem

Sunniva sin genser vart ferdig til jul. Og Oda sin påbegynt. Ingen stress! Berre koseleg.

Jula 2012

God jul til alle som ser innom bloggen!

Julafta morgon

I dag er det julafta, og det har kome ein del snø.
Hans er ute med snøfresaren.

Problemet er kvar han skal sprute snøen. Helst ikkje inn på naboane.

Inga 9 år

Den 20. desember vart Inga 9 år.
Dagen vart feira heime med 19 gjester, alle jentene i klassen. På menyen stod pizza som vart henta rykande varm hos Pizzabakeren i sentrum av mormor og morfar.
Johanne var dyktig programleiar og styrte gjengen gjennom leikar og anna underhaldning. Ho hadde ei veninne som assistent. Mamma og pappa var på kjøkkenet.

Skjeltesundag

Vi hadde besøk sundag ei veke før jul
av Oda som studerer medisin i Trondheim.
Kjekt at nokon i familien tek over no Hans ikkje
har lisens lenger. Dei diskuterer mykje dei to no.

På menyen var sauehaue. Ikkje det beste Oda veit,
men med litt pølser m.m., gjekk det greitt.
Skjeltesundag er vel eigentleg den siste sundagen før jul. Då hadde vi alltid sauehaue heime. Men i år vart den sundagen veslejulafta, og då er det ein annan tradisjon i familien. Då er det fondue.